عوض نصرالدين

ياشيخ عوض ياخي كلمنا ليك كل الناس ليش ماعايز تتصل الحاصل عليك شنو ورينا جاي بتين ياخي ماقادرين علي فراقك عوض ياخي اتصل الد نيا رايحة مابتلم

طبعا يااخوانا الغربة حارة لكن تسووا شنو نقول لجميع المغتربين في دول المهجر ماعندكم الا الصبر ونقول للشباب العايزين ازوجو نقول اصبرو فان الصبر مفتاح الفرج

كل مغترب من ودحسين الخوالدة جلست علي شجرة كيلو 12 فبدات افكر في حال كل مغترب هجر الوطن من اجل حفظ ماء وجهه عن سوال الاخرين ولكن بعض العبارات الت خالجت تفكيري منها هل هو عائش كمايعيش الاخرين هل نائم كماينوم الاخرين صدقوني ياخوتي كم اناقد جربت الغربة في بعض ولايات السودان المختلفة فلم يكن شي امر من الغربة والبعد عن الاحبة والاهل هنالك بعض يقول انه عايز يعمل مستقبل ولكن المستقبل بيد الله ونقول الاخوة الذين هجرو الوطن وذهبو للملكة العربية السعودية امثال عوض نصرالدين ومحمد كمال كم فقدناكم ولكنكم حضورا بينا بذكراكم العطرة وما احلي الجلسة علي شجرة كيلو 12 وانت جاي من الخرطوم والنهار حار مستني ليك اتوس

ياودكمال ابقي داخل بتلوس من برا مالك خوش جوة المنتدي

ياود كمال ادينا خبرك وكلمنا الحاصل عليك شنو

احمد الصديق قاعد في الحلة علي العموم ماسعلت منك شينا الاخ عماد اليومين ديل في جنس زهج اول حاجة الواطة حارة والكهرباء قاطعة بنقول نمش علي كيلو 12 دي نبرد شوية

ياعمدة قول لعوض اخوك اليومين الحلة فقداك شديد كل الشلة فافدين عوض نصرالدين ياخي كان شغال خلاص وكان ماشغال جيبو لينا نحنا دايرينو في الحلة امكن نبقيو رئيس اللجنة الشعبية حقت الحلة ياعوض مشتاقييييييييييييييييييييييييييين

المغتربين سلام عليكم كيف الغربة معاكم انشاء الله جاين تعرسو ياوكمال ودنصرالدين وباقي الشلة الموجودة هناك في السعودية والعرس من هناك صعب المهم علي كل حال ان السعودية ماغطت معاكم تعالو خذرو ليكم بصل لانو البصل اليومين غالي عشرة شولات بس بتعرس ليكم علي كل حال لازم تجو تحضرو الموسم دي هنا

وينك الاخ عماد نصرالدين خبارك اليومين ديل قاطع اخبارك كدي انشاالله عافية

شكراً الاخ عماد الكتابات الرائعة ولك منا الف تحية وسلامك وصل انشاءالله تجي الحلة بالعافية والسلامة في الاجازة الصفية ونتقابل هناك امالنسبة للاخوان عوض ومحمد كمال جيتهم للحلة بتقول تاني ماقريب حاربو الحلة ولاشنو علي العموم مافي عوجة متي مايجو مرحبيهم في الحلة العامرة من ودحسين الخوالدة ابوعصماء ولك الشكر

من الملاحظ من الاعضاء انهم اكتفو في التصفح في المنتدي فقط وليس لهم اي مشاركات في المنتدي لذا نرجو من الاخوة الاعضاء المشاركة بكل مايملك من مواهب او اي اشياء اخري حتي المواضيع التي يكون فيها نوع من الهزل تكون لها طعم خاص في المنتدي علي الاقل بتوري مدي فعالية الانسان في المنتدي ونحن نخص بالشكر الاخ عماد نصر الدين الذي كتاباته معطرة المنتدي وجعلته له طعم خاص ونشكرة جزيل الشكر علي ماقدم للمنتدي من الدعم المادي والفني نرجو من الاخوة الاعضاء المشاركة

نسال الله عاجل الشفاء للاخ سعدالله قسم السيد الاخ عماد اناماعندي تلفون لكن بديك تلفون عبدالله قسم السيد 00249918019040

من المعروف أن تقارب الزمان وتطاول البنيان من علامات الساعة ..ونحن كمغتربين أصبحنا لا نستطيع أن نفرق بين أول الأسبوع من آخره والأيام عندنا بقت تجري بمعدل دوران الساعة.

ومقارنة مع ما كان يحدث في السابق فإن أوقات الفراغ كانت تتيح لك الجلوس مع الأصدقاء والأهل وعمل الزيارات وتتمتع بعطلة آخر الأسبوع بكل إرتياح (إستراحات، بر ، ولمات بمناسبات وبدون مناسبات) ..لكن الآن الوقت أصبح لا قيمة له ولا ولون ولا وفائدة وبالكاد تنجز فيه مهمة أو تزور فيه أخ عزيز أو صديق حميم في ظل سرعة دوران هذه الأيام ..

الكل مشغول .. والمغترب يومه يكاد يكون مبرجما حسب ساعته البايلوجية .. فهو ينام في موعد محدد ، ويصحى حسب دقات المنبه..ويذهب الي العمل ويعود منه وفق نمط معين وكذلك الأكل والشرب لها نوع ووقت محدد .. والطريف في الأمر حتى خطبة الجمعة بالمساجد أصبحت كأنما هي مسجلة في شريط كاسيت تعاد كل مناسبة دينية (رمضان ، ضحية ، عاشوراء ، هجرة نبوية ، ...ألخ) ونحن كما نحن نجلس نفس الجلسة ونحضر نفس الخطبة لأعوام متكررة وفي ثبات عميق .. والسؤال الي متى ..؟!!!

والمغترب ساهي لاهي ما بين الكفيل والمكفول وزحمة المرور .. وهو في حلقة فارغة يدور ..من عطلة صيفية الي أخرى ومن إجازة سنوية الي مثنى وثلاث ورباع ..والعيال يكبروا ويدخلوا المدراس والجامعات وتكبر معهم إلتزاماتهم ومسئولياتهم ، ويبني ويؤسس ويجمع المال وهو كما هو على نفس الحال والمنوال .. فقط تتغير ملامحو وتذهب زهرة شبابه ويشيب شعره وتنهك قواه ... الي متى ...؟!!!



الغربة تطول .. وتطول ...
وعلى كف القدر نمشي ولا ندري بالمجهول
لمن الواحد يلقى نفسو على آلة حدباء محمول
الكل في زهول .. مالو الزول
أمس كان معانا يصول ويجول
جاتو سكتة ..جلطة .. ما أصلو كان معلول
يمكن حادث مرور واللا مات مقتول
لا .. لا دا كان نايم ونام على طول
الغربة تطول وتطول والطولة فيها الهول

نقول للاخوة المغتربين انشاالله ربنا يلزمكم الصبر علي فراق الاهل والاحبة انشاالله ربنايرد غربتكم ويرجعكم سالمين غانمين ونقو ل للاخوة الذين فقدتهم ساحة ودحسين الخوالدة عجلو لينا بالرجعة الي احضان الوطن امثال محمدكمال ، وعوض نصرالدين وكل من تربطنا به علاقة خوة نقول عن جد الحلة فقدتكم كتير وياعوض اخبارك شنو الامور كلها تمام وطريقك سلك علي كل حال مانقوله لكم شدو حيلكم الواحد سوي ليو جاجة سريع وابقو مارقين الحلة في انتظاركم الرجوععععععععععععععععععععععععععع

نقول للاخوة المغتربين سيكون هنالك كل يوم اخبار عن الطقس الاجتماعي نوافيكم بالاخبار حقت الحلة يوميا

يامحمد كمال ياخوي مالك قنعت من الكتابة بقيت بشوف ساي ولاشنو بقيتو محتارين في امركم ولاشنو ماكلمناكم وقلنا ليكم الغربة حارة والصبر عليها قاسي علي العموم الله اصبركم علي السعودية دي

قلت في السعودية وكدي

خلونا من الكلام الفارغ دي جاين متين

اكتب ولو حرف واحد خليكم معانا علي الخط