اخبار الحلة

هنالك بعض الزيجات المرتقبة في الحلة في غضون الايام الجاية وسوف نعلن عنها في حينها

ربنا يتمم على خير ومبروك مقدماً

من اخبار القرية اليوم الثلاثا هنالك برد قارس وبعض السحب التي حجبت الشمس من امس مابالنسبة للاخبار الاخري لايوجد شي يزكر الناس كلها بخير ونقول للاخوة المغتربين لابد من الرجعة الي البلد لانو الحياه دقائق فاغتنمها بين الاهل والاصدقاء اجعل حياتك كلها لله وتجعلها لغيره

ايها الشباب انا من الحلة بقول ليكم اي واحد منكم مالقي شغل ارجع الحلة الشغل راقد تعالو بس الدنيا بخيرة هنا فبقول ليكم لازم ترجعو الحلة عشان نحنا فقدناكم كتير اي عرقلة هناك تعالو راجعين الحلة ابشركم الزراعة بقت احسن من الواحد اغترب ماضيعو زمنكم ساكت صديقكم العزيز ابو

هههههههههههههههههههههههههههه والله الاغتراب بقي مشكلة زي ما قالت ليكم تعالو البلد الشغل راقد

داير اقول ليك حاجة والله انت حارق دمك ســـــــــــــــــــــــــــــــــــــــاي مع اولاد السعودية ديل عشان كدا روق شوية ولو انت عاوز تجي البلد دي ماعندك مشكلة نكلم الشباب يعملو ليك تبرع وتجي البلد العاملا ليك عقدة دي بس انت اطلب وهم مابقصرو معاك وليك علي حاخلي ليك عوض يتبرع ليك بنص المبلغ
لكن احسن ليك الحلة لانو اذا جيت هنا مابتعرف ليك شمار بتفاصليو زي هناك ولا كمان لقيت ليك زول مشاتر مايوصل ليك الشمار بالطريقة العاوزا ولا كمان ليقتو ماعندو اصلا املاء عشان اكتب ليك ولا كمان لقيتو عندو عقدة من السعودية ولا كمان ليقتو مستعجلة او مابعرف حتي يصيغ الجمل واحتمال يكون جبان وادخل ليك باسم مستعار وماتستبعد يكتب اسمو المشاتر . عشان كدا احسن ليك الحلة لو انت بتوصل الشمارات للشباب الهنا بكل دقة(وكان علي 100ريال ارجع واسال احمد الصديق)


وبالتوفيق

ياخي انا مالي بحرق دمي عليكم الخبر السمعتو انو كلكم جاين الحلة لانو شغل مافي ربنا اجيبكم بالسلامة وشغلكم قاعد المهم علي العموم اليومين ديل دقاقة الفول شغالة تجو عشان تشغلو فيها

بس انتو اسرعو وكلم عوض نصرالدين قوليهو اتصل علينا ضروري عشان دايرين نشوف وضعك شنو ولك التحية

بعدين تعال انت قايل انا داير اقامة الخبر اسمعتو عنكم كلكم جاين لانو شغل مافي تعالو اشتغلو في الحلة اي امسك فدانين حقت كبكبي عشان تعرسوبيها ولك التحية

يا أبو عصماء لك مني الف تحيه خلي الشباب بيراحتم لانو دقاقة الفول زاتا بقت بالواسطه وبعدين موسميه

الاخ يوسف دقاقة الفول بقت بالواسطة نحنا دايرين ليهم الشغل الكويس ولك التحية

بطلب من الاخوة اعضاء المنتدي الدخول باستمرار في المنتدي حتي يكون المنتدي له طعم خاص وجميل وتكون الجلسة احلي ولكم منا اندي التحايا ياشباب ودحسين الخوالدة

صدقوني ياشباب الحلة فقدت ناس كتيرة امثال الاخ عوض نصرالدين الذي غادر البلاد بدون سابق انذار فالحلة فقدته عن جد والاخ محمد كمال الذي سافر ولم يعد والاخ الشاذلي احمد الهجانا خيرت شباب ودحسين الذي فقدناه كثيراً نتمني له عوداً حميد الي ودحسين الخوالدة الاخوة الاعزاء صدقوني كم فقدناكم ومشتاقين كتير /////////////////////////////////////////////

اليومين الحلة مافيها حاجة عشان كدي اخبارنا انقطعت منكم لكن سنعاود في الايام الجاية علي كل حال بلغ سلامنا للاخ عوض نصر الدين وقول له مشتاقين وان الشغل هناك ماعاجبك تعال الحلة الشغل راقد ولك جزيل الشكر ياشيخ عماد

للاخوة المغتربين نقول لهم لابد من العودة الي ارض الوطن لان الغربة ضياع زمن وعمر حتي لايضيع عمرهم هدر يجب عليهم العودة الي ارض الوطن في اسرع فرصة وبقول للاخ عماد برغم من انو العوض فارق علينا لكن المشي اليهم صعب وانا ماعايز اغترب نهائ طالما ما هنا مستورة في الختام نتمي للجميع العودة الي ارض الوطن سالمين غانمين ولكم الشكر

انا هسي جالس فوق دبت الترعة هنالك مناظر جميلة هنالك عدد من سيارات الاتوس ماشا جاية وبالغرب مني عدد من الشياب جاس يتاجازبون اطراف الحديث وبعض الاطفال يمرحو ويلعبون الحياه حلو ة في الحلة