انت مافي انت مافي

انت مافي .
انت مافي اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطيب ما ببقى طيب
كيف يكون في الدنيا طيب
وانت مافي[i]

ياريت والله بس ماظن يكون في محلو قريب ياعماد

ياسلام على الاحساس المرهف والزوق الراقى لك منا كل الاحترام
وبالجد انتا مافي كلو ببقي مافي وانا بقول ليك العيون ما شايفا
غيرك كفيفا لما يفوتا زولا الى الامام ود دولة