وعد النوار--- هدية لكل المغتربين

وعد النوار


ياريت من اول وريتنا انك يمكن تتاخر يوم
كان غايتو اطمنا شويه..وبحرك يا ليل ما طفنا نجوم
بيقولو الغايب عذرو معاهو وفي غيابك ياما نشيل اللوم

مرت لحظات و كمان ساعات طالت وحياتك منتظرين
لو وشوش صوت الريح في الباب يسبقنا الشوق قبل العينين
و نعاين الشارع نلقاهو تايه في دموع المغلوبين

العيد الجاب الناس لينا ما جابك يعني نسيتنا خلاص
مع انك انت الخليتنا نغني الحب ذكرى و اخلاص
صبحت دمعتنا وسادتنا و كده حاول اعرف لينا خلاص

شال النوار ظلل بيتنا..من بهجه وعدك وما جيتنا
وفضلنا وحاتك منتظرين شوف وين روحتنا
و وين وديتنـا

جميلة

الكلام ده كلو بنطبق علي عوض نصرالدين اكان هنا عامل ليناوجع وش لكن يوم ماسافر السعودية نسي الناس كلهم علي نقو ل الغائب عذرو معاهو ولك التحية

ياود كمال خبارك قنعت من المنتدي الحاصل عليك شنو خايف من كلامنا معاك الموضوع بتاع 100 ريال خليناك منها ولك التحية خشو اسئلو من اخبارنا

نقول الاولاد في السعودية ديل كلهم نسبة لظرفكم حنرخصليكم العرس عشان تعرسو لانو لوغلينا العرس القطر بفوتكم في كل الغربة دي جيبو معاكم الشنطة والخروف علينا نحنا

اعمل حسابك المغتربين ديل بتاعين شواكيش
يزعل منك واحد يضرب ليك لي حبيبتك
والبت من ما يقولو جاها مغترب طوالى بتوافق
احسن حاجة ما يعرفو اسمك الحقيقى